31. januar - 2. februar 2020 er det klart for kurs i regi av fylkeslaga Telemark, Aust/Vest-Agder og Rogaland. Dette året er kurset i Stavanger, Siddis-stova. Arbeidet med utarbeiding av program er i sluttfasen no. Vi lovar kurs i både teater, folkedans, organisasjon og bunad! Følg hendinga på facebook for å halde deg oppdatert. 

Om laget ønskjer å søkje Frifond, er søknadsfristen 1. september. Retningslinjer og søknadskjema finn de på: http://www.ungdomslag.no/frifond/

Denne sommaren skipar Noregs Ungdomslag til Sommarleir i Skogn, Trøndelag, 2.-7. juli. Leiren er årleg tradisjon - av og for ungdom frå heile landet. Rogaland Ungdomslag ønskjer at mange frå vårt fylke får oppleve samhaldet, stemninga og ikkje minst lære mykje nytt! Styret har derfor bestemt at alle som vil delta får reisestøtte etter søknad. Dei beste lærarkrefteneI år samarbeider NU i tillegg med Noregs Mållag, så kanskje lærer du noko nytt om språket vårt også? På Sommarleiren prioriterer NU alltid å engasjere dei beste kurslærarane. 2019 er absolutt ikkje noko unntak: Spel med Einar Olav LarsenRørospols med Torill JørgensenSwing med Kevin Andre K. TheigmannKurs i teaterproduksjon med Kari Wist HolmenFriluftsliv - Ut i det blå med Jørgen Hopstad By Les meir om kursa du kan velje mellom på Sommarleiren si side. Korleis får ein reisestøtte frå RU? Skriv ein epost til oss der du får fram:-kven du er -at du har lyst til å delta på Sommarleir 2019 -kva…

Storkurs er eit samarbeid mellom fylkeslag i Aust-Agder, Vest-Agder, Telemark og Rogaland, og i 2020 skal Storkurset haldast i Siddis-stova i Stavanger. Dette er lagshuset til BUL Stavanger, og dei har god plass! Endeleg tidspunkt blir avgjort på førstkomande laurdag. Me står mellom siste helga i januar og første i februar.  Me som sit i styret i Rogaland Ungdomslag vil gjerne ha innspel til programmet frå lokallaga og frå dei andre fylkeslaga.  Det er Eli Anna som held i denne biten for Rogaland ungdomslag, så send henne ein mail med forslag både til kurs, kurshaldarar og sosialt opplegg! eli.Anna.Gudmundsen@steinerskolen.no Rett over vegen frå Siddis-stova ligg Choice Energi Hotell, og me reknar med å få til eit godt tilbod til kursdeltakarane våre der. Nærare informasjon om dette vil koma like etter sommaren. Denne infoen er sendt på e-post til alle lokallaga og samarbeidspartnarar 10.4.2019